ﺭﺍﺷﯩﺪﺍ ﺳﺎﺋﯩﺘﻮﯞﺍ ﺋﺎﺑﺪﯗﺳﯧﻤﻪﺗﻮﯞﺍ
ئېسىل پەيتىم- بالىلىقنى سېغىندىم،
غەم قايغۇ يوق، بەڭۋاشلىقنى سېغىندىم،
ئاتا-ئانا قېرىنداشلار تەل- تۆكۈس.
غۇۋالاشقان شۇ چاغلارنى سېغىندىم.
ئار-ئۆستەڭنىڭ سۈيى بىلەن كۆكەرگەن،
ئانا يۇرتنىڭ گىياسىنى سېغىندىم،
توپراق كېچىپ سېغىز ئىزدەپ چارلىغان،
مەلىمىزنىڭ قۇملىغىنى سېغىندىم.
ئۆتكەن كۈنگە باغلاپ تۇرغان يىپ بولۇپ،
ئاتام كۆرگەن قېرىلارنى سېغىندىم،
شوخلىق قىلىپ كېچە- كۈندۈز ئوينىغان،
دوستلىرىمنى بالىلىقنىڭ سېغىندىم.
ئادەمگەرچە مېھرىبانلىق ھۆرمىتى،
ئورغۇپ چىققان شۇ يېزامنى سېغىندىم،
ئۆزەم ئۈچۈن مەرۋايەتتۇر شۇ چاغلار،
قايتلانماس بالىلىقىنى سېغىندىم.
ياركەنت
2018- يىلى 6- ئىيۇن
.